¡A mi na ´mas me gusta
Que darli gusto al cuerpo!
Si yo juera bien rico
jacía na ´mas eso:
jechalme güenas siestas
embajo de los fresnos
jartalmi de gazpachos
con güevos y poleos;
Cascalmi güenos fritis
con bolas y pimientos;
mercal un buen caballo;
Tenel un jornalero
que to me lo jiciera
pa estalmi yo bien quieto;
Andal bien jateao
Jechal ca instante medio,
Y andalmi de paseo
Lo mesmo que los curas;
lo mesmo que los médicos…
Si yo juera bien rico
jacía na ´mas eso:
¡Que a mi na ´mas me gusta
Que darli gusto al cuerpo!
Gabriel y Galán
No hay comentarios:
Publicar un comentario